Keti Perri

Keti Perri
ing. Katy Perry
Ümumi məlumatlar
Doğum adı	Katheryn Elizabeth Hudson
Ləqəbi	Katy Perry
Doğum tarixi	25 oktyabr 1984(1984-10-25)[1][2] (39 yaş)
Doğum yeri	Santa-Barbara, Santa-Barbara qraflığı, Kaliforniya, ABŞ[7]
Vətəndaşlığı	ABŞ
Partnyorları	Orlando Blum (2016–)[3] Con Meyer (2012–2014)[4] Diplo[d] (2014–2015)[5][6]
Musiqiçi məlumatları
Fəaliyyəti	müğənni-mahnı yazarı, aktrisa, səsləndirmə aktrisası[d], avtobioqraf[d], musiqi prodüseri, gitaraçı, model[d], rəqqasə, biznes ledi, xeyriyyəçi
Fəaliyyət illəri	2001-ci ildən
Janrlar	pop musiqisi, rok, pop-rok, rəqs musiqisi[d], sinti-pop, elektropop[d], qospel
Musiqi alətləri	gitara, piano
Albom şirkətləri	Columbia Records, Capitol Records[d], Island Records[d]
katyperry.com
Vikianbarda əlaqəli mediafayllar

Ketrin Elizabet Hadson (ing. Katheryn Elizabeth Hudson; 25 oktyabr 1984^[1][2], Santa-Barbara, Kaliforniya^[7]) — və ya səhnə adı Keti Perri (ing. Katy Perry) kimi tanınan ABŞ müğənnisi və bəstəkarı. Kiçik yaşlarından kilsələrdə çıxış edən Ketrin yeniyetməlik dövründə qospel ifaçısı olaraq musiqi karyerasına başlamaq qərarına gəlmişdir. Gənc müğənni Red Hill Records albom şirkəti ilə müqavilə imzalamış və 2001-ci ildə Katy Hudson adlı ilk qospel albomunu çıxartmış, lakin albom reklam cəhətdən müğənni üçün heçdə uğurlu olmamışdır. Red Hill Records-la əlaqələrini dayandırdıqdan sonra o, 2002-ci ildə beynəlxalq musiqi aləminə qatılmaq məqsədilə Los-Ancelesə köçmüşdür. O Los-Ancelesdə bir neçə tanınmış prodüserlərlə işləməyə başlamışdır. Növbəti dörd il boyunca müğənni iki albom şirkəti ilə anlaşmalar imzalamış və hər iki anlaşma ona həvəsində olduğu şöhrəti qazandıra bilməmişdir. "Keti Perri" səhnə adını götürdükdən sonra müğənni 2007-ci ilin aprel ayında Capitol Records albom şirkəti ilə növbəti anlaşma imzalamışdır.

Keti Perri 2008-ci ildə One of the Boys adlandırdığı ikinci studio albomunda yer alan "I Kissed a Girl" və "Hot n Cold" sinqlları ilə dünyada şöhrət qazanmağa nail olmuşdur. Onun əsasən disko janrında olan sinqllarla zəngin üçüncü studio albomu Teenage Dream 2010-cu ildə işıq üzü görmüşdür. Albomda yer alan "California Gurls", "Teenage Dream", "Firework", "E.T." və "Last Friday Night (T.G.I.F.)" mahnıları Amerikanın Billboard Hot 100 siyahısında yuxarı pillələrdə yer almışdır. Keti Perrinin Prism adlı dördüncü studio albomu 2013-cü ildə təqdim edilmişdir. Dördüncü albomunda yer alan "Roar" və "Dark Horse" sinqllarına çəkilən videokliplər hər biri Youtube-də bir milyarddan artıq baxış sayına malikdir. Onun beşinci studio albomu Witness isə 2017-ci ilin iyun ayında işıq üzü görmüşdür. Albomda əsasən elektropop stilində mahnılar yer almış və albomun ən uğurlu sinqlı "Chained to the Rhythm" olmuşdur. Mahnı müxtəlif Avropa ölkələrinin hit paradlarında birinci yerə yüksəlmişdir.

Keti Perri indiyədək dörd dəfə Ginnesin Rekordlar Kitabına düşmüş, beş American Music Award mükafatı, bir Brit Award mükafatı və bir Juno Award mükafatı qazanmışdır. Müğənni yeddi dəfə (2011-2017) Forbes jurnalının "Musiqidə ən çox qazanc əldə edən qadınlar" siyahısında yer almışdır.

1. ↑ ^{1 2} Cunningham J. M. Katy Perry // Encyclopædia Britannica (ing.).
2. ↑ ^{1 2} Katy Perry // GeneaStar.
3. ↑ ^{1 2} https://www.cosmopolitan.com/entertainment/celebs/a21349741/katy-perry-orlando-bloom-relationship-timeline/.
4. ↑ ^{1 2} https://www.who.com.au/katy-perry-john-mayer-relationship-history.
5. ↑ ^{1 2} https://www.eonline.com/news/587471/katy-perry-keeping-her-relationship-with-diplo-undercover-find-out-why.
6. ↑ ^{1 2} https://www.ibtimes.co.uk/katy-perry-ex-boyfriend-diplo-compares-taylor-swift-fans-north-korea-army-1492515.
7. ↑ ^{1 2} Deutsche Nationalbibliothek Record #13595598X // Ümumi tənzimləmə nəzarəti (GND) (alm.). 2012—2016.